İdman
Pleyeri seçin:
Sevgilisindən Kriştiano Ronaldoya fantastik hədiyyə
Kriştiano Ronaldonun xanımı Corcina Rodriqez şəxsi “Instagram” hesabında paylaşım edib. Milad bayramı ilə əlaqədar hazırlanan süfrənin nümayişindən sonra ailə hədiyyələri açmağa başlayıb. Videonun ən maraqlı hissəsi Corcinanın Ronaldoya hədiyyə etdiyi "Rolls Royce" markalı lüks avtomobillə bağlıdır. 370 min dollar dəyərində olan maşını görən Kriştiano sevincini gizlədə bilməyib.
Sosial şəbəkə hesabında avtomobilin şəklini paylaşan Ronaldo "Təşəkkür edirəm, sevgilim" sözlərini yazıb.
Xatırladaq ki, 37 yaşlı Kriştiano hazırda klubsuzdur. O, Qətərdəki mundial ərəfəsində “Mançester Yunayted”lə müqaviləsinə qarşılıqlı razılıq əsasında xitam verib. KİV-də yayılan son məlumata əsasən, veteran hücumçu Səudiyyə Ərəbistanı klubu “Əl Nəsr”lə 250 milyon avro dəyərində sözləşməyə qol çəkməyə yaxındır.
Kopyalandı
Seçilmişlər
