Türkiyəli güləşçi Rza Kayaalp Azərbaycan bayrağını öpdü

Türkiyəli məşhur yunan-Roma güləşçisi Rza Kayaalp Avropa çempionatında təqdirəlayiq addımı ilə diqqət çəkib.

Finala gedən yolda təmsilçimiz Beka Kandelaki ilə qarşılaşan Rza görüşdən sonra idmançımızın formasındakı Azərbaycan bayrağını öpüb. R.Kayaalpın bu hərəkəti sosial şəbəkələrdə böyük rəğbətlə qarşılanıb.

Qeyd edək ki, Rza Kayaalp və Beka Kandelaki arasındakı qarşılaşma yarımfinal mərhələsi çərçivəsində baş tutub. Beka görüş ərzində hesabda irəlidə olsa da, türkiyəli pəhləvan dönüş edərək yekunda sonuncu xal prinsipinə əsasən qələbə qazanıb.

Bu qalibiyyət sayəsində finala adlayan R.Kayaalp qızıl medal uğrunda rusiyalı Sergey Semyonovla üz-üzə gələcək.