Pleyeri seçin:
Türkiyəli ulduz futbolçu Kərəm Aktürkoğlunun yeni klubu məlumdur
Türkiyə millisinin və “Qalatasaray”ın ulduz futbolçularından Kərəm Aktürkoğlu karyerasını Portuqaliyada davam etdirəcək.
25 yaşlı vinger 11 milyon avroya “Benfika” klubuna transfer olunub.
Lissabon təmsilçisindən verilən məlumata əsasən, Kərəmlə 2029-cu ilədək müqavilə imzalanıb.
Qeyd edək ki, “transfermarkt” portalına görə, dəyəri 15 milyon avro olan K.Aktürkoğlu 2020-ci ildən “Qalatasaray”ın üzvü idi. Bütün yarışlarda 179 matçda iştirak edən oyunçu 46 qol və 42 məhsuldar ötürmə ilə yadda qalıb. “Cimbom”la 2 dəfə Türkiyə çempionu olan Kərəm 1 dəfə ölkə superkubokunda qələbə qazanıb. 2021-ci ildən Türkiyə yığmasına da çağırılan K.Aktürkoğlu indiyədək 34 görüşdə iştirak edib. Yığmada 6 qol vuran futbolçu bu il Almaniyada keçirilən Avropa çempionatında “ay-ulduzlular”ın formasını geyinib.
Kopyalandı
#Kərəm Aktürkoğlu teqi istifadə olunub
Seçilmişlər
