UEFA-nın “Qarabağ”a ödədiyi məbləğ məlumdur

UEFA növbəti dəfə “Qarabağ” klubuna ödəniş edib.

Bu barədə AFFA-nın rəsmi saytında məlumat verilib.

Belə ki, “köhlən atlar”ın Avropa Liqasının pley-offuna vəsiqə qazanması və 1/8 finala yüksəlməsi ilə əlaqədar UEFA Ağdam təmsilçisinə 1 700 000 avro, yəni təqribən 3 133 780 manat ödəyib. Bu məbləğ AFFA-nın vasitəçiliyi ilə “Qarabağ”ın hesabına köçürülüb.

Qeyd edək ki, cari mövsümdə Avropa Liqasının H qrupunda “Molde”, “Hekken” və “Bayer” klubları ilə mübarizədə 2-ci yeri tutan “Qarabağ” 1/16 finalda “Braqa” kollektivi ilə qarşılaşıb. İki oyunun nəticəsinə görə Portuqaliya təmsilçisini 6-5 hesabı ilə məğlub edən Azərbaycan çempionu 1/8 finalda “Bayer”ə rəqib olub. Burada isə təmsilçimiz iki matçın yekununda 4-5 hesabı ilə uduzaraq avrokuboklarda mübarizəni dayandırıb.