Pleyeri seçin:
Xankəndi - Bakı ultra marafonunda ilk qalib müəyyənləşdi
Gənclər və İdman Nazirliyinin Azərbaycan Atletika Federasiyası ilə birgə təşkil etdiyi Xankəndi-Bakı ultra marafonunun 1-ci mərhələsinə yekun vurulub.
“Qürurla irəli” şüarı altında keçirilən yarışın ilk günündə iştirakçılar 83 km məsafə qət ediblər.
Xankəndidə start götürən marafonun birinci mərhələsi Yevlaxda başa çatıb. İlk gündə 1-ci yeri məsafəni 6 saat 52 dəqiqəyə qət edən Elmir Əskərov tutub. Ağa Əliyev və Elman Abışov isə müvafiq olaraq 2-ci, 3-cü nəticə göstəriblər.
Qeyd edək ki, 64 nəfərin qatıldığı Xankəndi-Bakı ultra marafonunda iştirakçılar ümumilikdə 380 km məsafədə mübarizə aparır. Martın 4-ü yekunlaşacaq yarışda hər mərhələnin qalibləri ayrılıqda təltif ediləcəklər. Ümumi qaliblər isə baş mükafatın sahibi olacaqlar.
Kopyalandı
![icon](/images/loading.png)