İdman
Pleyeri seçin:
“Zirə” Azərbaycan çempionatına qələbə başladı
UEFA Konfrans Liqasında uğurla çıxış edən “Zirə” komandası ölkə çempionatının yeni mövsümünə qələbə ilə başlayıb.
Baş məşqçi Rəşad Sadıqovun yetirmələri ilk turda “Səbail”lə üz-üzə gəliblər. Oyunda hesab 12-ci dəqiqədə açılıb. David Volkov fərqlənib.
27-ci dəqiqədə Volkov 2-ci topu “dənizçilər”in qapısına göndərib. Fasilə ərəfəsində isə gürcüstanlı hücumçu het-trikini rəsmiləşdirib. İlk hissə “qartallar”ın 3-0 hesablı üstünlüyü ilə bitib.
2-ci yarının əvvəlində Ayman Bouali qollardan birinin əvəzini çıxıb. Lakin “Səbail”in bundan artığına gücü çatmayıb. Oyunda son nöqtəni əsas vaxta artırılan dəqiqələrdə İssa Cibrila qoyub. “Zirə” – “Səbail”: 4-1.
Qeyd edək ki, “Zirə” komandası növbəti turda “Sabah”ın qonağı olacaq. “Səbail” isə “Neftçi”ni qəbul edəcək.
Kopyalandı
Seçilmişlər
