Azərbaycanın Xəzər dənizindəki rolundan danışıldı - Baku TV

XRG Azərbaycanın enerji sektorunda iştirakını daha da genişləndirməyi və beynəlxalq inkişafını sürətləndirməyi hədəfləyir.

Bunu XRG-nin aktivlərin idarə edilməsi üzrə baş vitse-prezidenti Bassem Tadros Bakı Enerji Həftəsi çərçivəsində keçirilən forumda bildirib.

"SOCAR komandasını təbrik etmək istəyirəm. Onlar çox təsirli inkişaf yolu keçiblər və biz də SOCAR-ın təcrübəsindən çox şey öyrənmişik. Beynəlxalq inkişafdan danışarkən şirkət öz taleyini özü idarə etməlidir və bunun üçün ciddi səylər göstərməlidir. SOCAR Azərbaycanın beynəlxalq arenadakı təmsilçilərindən biri olub", – o qeyd edib.

B.Tadros bildirib ki, XRG müxtəlif regionlarda geniş fəaliyyət təcrübəsinə malikdir:

"Biz Latın Amerikası, Şimali Amerika, Afrika, Şimali Afrika və Xəzər regionunda təmsil olunmuşuq. Bu uzun yol ərzində böyük təcrübə toplamışıq. Əsas məsələ əldə olunan inkişaf tempini qorumaq və davam etdirməkdir".

Onun sözlərinə görə, şirkət Azərbaycana yalnız bir aktiv kimi yanaşmır:

"Biz Azərbaycanı enerji dəhlizi kimi görürük".