Pleyeri seçin:
“Azpetrol”dan Ağcabədidə yeni filial | Yanacaqdoldurma məntəqələrinin sayı 104 oldu
Azərbaycanda ən böyük yanacaqdoldurma şəbəkəsinə malik olan “Azpetrol” şirkəti strateji inkişaf planına uyğun olaraq, həmçinin təlabatın artması və çoxsaylı təklifləri nəzərə alaraq mart ayının 19-da Ağcabədi şəhəri, Məhəmməd Əmin Rəsulzadə küçəsi 201A ünvanında şirkətin sayca 104-cü məntəqəsini istifadəyə verib.
Yanacaqdoldurma məntəqəsinin rəsmi açılış mərasimi baş tutub. Tədbirdə “Azpetrol”un Baş direktoru Ceyhun Məmmədov və şirkətin digər əməkdaşları, o cümlədən Ağcabədi Rayon İcra hakimiyyəti başçısının müavini Toğrul Bünyatov iştirak edib.
Açılış münasibətilə şirkət tərəfindən sürücülərə yanacaq və müxtəlif hədiyyələr təqdim olunub.
Yeni istifadəyə verilən məntəqədə 26 iş yeri yaradılıb. Bu isə “Azpetrol”un fəaliyyətində önəm verdiyi əsas istiqamətlərdəndir.
Kopyalandı
Seçilmişlər
