Baş nazir dövlət xərclərinin prioritet istiqamətlərini açıqladı - Baku TV

Baş nazir Əli Əsədov Milli Məclisin bugünkü plenar iclasında çıxışı zamanı 2026-2029-cu illərdə dövlət xərclərinin əsas prioritet istiqamətlərini açıqlayıb.

O bildirib ki, qarşıdakı dövrdə dövlət büdcəsi aşağıdakı sahələri prioritet hesab edəcək:

• dayanıqlı iqtisadi artımın dəstəklənməsi;
• işğaldan azad olunmuş ərazilərdə yenidənqurma, bərpa və məskunlaşdırma tədbirlərinin davam etdirilməsi;
• müdafiə və milli təhlükəsizlik tədbirlərinin gücləndirilməsi;
• sosial müdafiə və sosial təminat istiqamətində tədbirlərin davamlı icrası;
• təhsilin və innovativ inkişafın dəstəklənməsi;
• səhiyyə sisteminin müasirləşdirilməsi və tibbi xidmətlərin keyfiyyətinin yüksəldilməsi;
• təmiz ətraf mühit və “yaşıl artım”ın təmin olunması.

Əli Əsədovun sözlərinə görə, 2026-cı ildə icmal büdcənin gəlirləri təqribən 45 milyard manat, xərcləri isə 48,8 milyard manat proqnozlaşdırılır. İcmal büdcənin kəsirinin ÜDM-ə nisbəti 2,9%-dir.

“Makroiqtisadi proqnozlara əsasən, 2026-cı ildə qeyri-neft sektoru üzrə ÜDM-in 5%-lik real artım tempi proqnozlaşdırılır. Neft-qaz hasilatı istisna olmaqla, ölkə iqtisadiyyatının bütün sahələri artımla proqnoz olunur”, – Baş nazir əlavə edib.