Bu rəqəmlər göstərir ki... | Vətəndaşların banklara borcu nə qədər artıb?

“Hazırda 3 milyondan çox vətəndaşımızın banklara istehlak kreditləri üzrə borcu var. Rəsmi statistika göstərir ki, banklardan borclanan vətəndaşlarımızın sayı artır”.

Bunu parlamentin mayın 1-də keçirilən iclasında millət vəkili Vüqar Bayramov deyib.

“Bütün bunlarla yanaşı, vaxtı keçmiş kreditlərin həcmi 2024-cü ilin sonuna nisbətən bu ilin ilk rübündə 449,1 milyon manatdan 481,6 milyon manatadək yüksəlib. Bu isə o deməkdir ki, son aylar vaxtı keçmiş kreditlərin həcmi yüksəlməkdədir.

Oxşar vəziyyət qeyri-işlək kreditlər üzrə müşahidə olunur. Belə ki, 2024-cü ildə qeyri-işlək kreditlərin həcmi 6,7 faiz və ya 41 milyon manat artaraq 665 milyon manata çatıb. Bu məbləğin 246 milyon manatı istehlak kreditləri, 375 milyon manat isə biznes kreditləridir.

Mərkəzi Bankın məlumatına görə, iqtisadi fəal əhali üzrə adambaşına 13,8 min manat bank borcu var. Əgər 5 il öncəki statistikada bu göstərici 11,5 faiz idisə, bu rəqəm 2024-cü ilin sonunda 18 faizədək yüksəlib”, ‒ deyə Vüqar Bayramov bildirib.