Dövlət Statistika Komitəsi məlumat yaydı | Ötən illə müqayisədə neçə faiz dəyişiklik var? - Baku TV

Bu ilin yanvar-fevral aylarında Azərbaycanda 383,2 min ton dizel yanacağı istehsal edilib.

Dövlət Statistika Komitəsinin yaydığı xəbərə görə, bu, 2025-ci ilin yanvar-fevral aylarının göstəriciləri ilə müqayisədə 16,2% azdır.

Ümumilikdə, hesabat dövründə Azərbaycanda neft məhsullarının istehsalı sahəsində istehsalın ümumi dəyəri 824,5 milyon manat olmaqla, əvvəlki ilin yanvar-fevral ayları ilə müqayisədə 18,4% azalıb.

Ötən iki ay ərzində Azərbaycanda 9,8 min ton mazut istehsal edilib. Bu göstərici 2025-ci il ilin ilk iki ayı ilə müqayisədə 70,4% azdır.

Fevral ayı ərzində Azərbaycanda 233,6 min ton həcmində avtomobil benzini istehsal edilib ki, bu göstərici də 2025-ci ilin ilin yanvar-fevral ayları ilə müqayisədə 8,8% azdır. Hesabat dövründə 5,2 min ton sürtkü yağları, 24,8 min ton neft bitumu istehsal edilib.

Ötən ilin yanvar-fevral ayları ilə müqayisədə Azərbaycanda sürtkü yağlarının istehsalı 16,1%, neft bitumunun istehsalı isə 15,9% azalıb.

Həmçinin hesabat dövründə ölkədə 31,3 min ton maye qazlar, 94,6 min ton ağ neft, 41,6 min ton neft koksu istehsal edilib.

Son bir ildə Azərbaycanda neft koksunun istehsalı 9,8% artıb, ağ neftin istehsalı 21,1%, maye qazların istehsalı isə 21,4% azalıb.