Putin Rusiya xalqına səsləndi: Ölkə qaçılmaz böhrana sürüklənir? - Baku TV

“Ukraynanın Rusiyanın neft emalı zavodlarına hücumları səbəbindən Rusiya vətəndaşları davamlı benzin qıtlığına hazır olmalıdırlar”.

Bu barədə Rusiya Prezidenti Vladimir Putin danışıb.

Putin Şərq İqtisadi Forumunda çıxış edərkən bildirib ki, Rusiya hakimiyyəti enerji infrastrukturuna silsilə hücumlara hazır olmayıb. Bu hücumlar neft məhsullarının istehsalının kəskin azalmasına səbəb olub və müasir tarixdə ölkənin ən ciddi yanacaq böhranlarından birini yaradıb.

“Biz yanacaq çatışmazlığı ilə qarşılaşdıq, çünki düşünürdük ki, həmin bu mülki obyektlər silahlı münaqişə zamanı hücumlara məruz qalmayacaq. Lakin səhv etdik. Təəssüf ki, qarşı tərəf fərqli fikirdədir və sırf mülki obyektlərə zərbə endirməyə başlayıb. Şirkətlər artıq işə qarışaraq obyektlərinin qorunmasına pul yatırmağa başlayıblar”, – deyə Putin bildirib.

Moderatorun rusiyalıların benzin qıtlığına öyrəşməli olub-olmadıqları barədə sualına Putin “biz hər şeyə hazır olmalıyıq” cavabını verib.