Maliyyə nazirindən açıqlamalar: 2024-cü ilin dövlət büdcəsinin xərcləri

Maliyyə naziri Samir Şərifov bildirib ki, sosial sahəyə ayrılan xərclər 2020-ci illə müqayisədə 6 milyard 19 milyon manat və ya 60 faiz çoxdur.

Maraqlıdır, həmin xərclərə nələr daxildir?

2024-cü ilin büdcəsində nəzərdə tutulan sosialyönümlü xərclərin əsas hissəsini – 9 milyard manatını və ya 57 faizini maaşlar təşkil edir. Bu, həmçinin ümumi büdcə xərclərinin 24,5 faizinə bərabərdir. Başqa sözlə, 2024-cü ildə büdcədən xərclənəcək hər 4 manatdan 1 manatı maaşlara yönəldiləcək.

Əhalinin sosial müdafiəsi və təminatı üçün isə 4 milyard 542 milyon manat xərclənəcək ki, bu da 2023-cü ilə nisbətən 5,2 faiz və ya 226 milyon manat çoxdur. 2024-cü ildə sosial müavinətlərin, təqaüdlərin və digər sosial ödənişlərin verilməsi üçün əvvəlki illə müqayisədə 14 faiz daha çox vəsait ayrılacaq.