SOCAR tərəfindən 1 milyard 750 milyon manat vergi ödənilməsi proqnozlaşdırılıb - Baku TV

2026-cı ilin sonuna Azərbaycanda dövlət büdcəsinin gəlirlərinin 39 milyard 365 milyon manat təşkil edəcəyi gözlənilir ki, bu da təsdiq olunmuş proqnozla müqayisədə 756 milyon manat və yaxud 2 faiz çoxdur.

Bu barədə Maliyyə Nazirliyi məlumat yayıb.

Bildirilib ki, büdcə gəlirlərinin 43,4%-i və yaxud 17 milyard 85 milyon manatı neft-qaz sektorunun payına düşür.

Neft-qaz sektoru üzrə gözlənilən vergi daxilolmalarının 41,2%-ni və yaxud 1 milyard 750 milyon manatını SOCAR-ın ödədiyi vergilər, 11,8%-ni və yaxud 500 milyon manatını “Azəri-Çıraq-Günəşli” layihəsi üzrə hasilatın pay bölgüsü sazişləri çərçivəsində fəaliyyət göstərən podratçı təşkilatların mənfəət vergisi, 47,1%-ni və yaxud 2 milyard manatını isə “Şahdəniz” layihəsi üzrə hasilatın pay bölgüsü sazişləri çərçivəsində fəaliyyət göstərən podratçı təşkilatların mənfəət vergisi təşkil edir.