Mərkəzi Bank rəsmisindən ölkəyə köçürülən pulla bağlı açıqlama

“9 ay ərzində ölkənin təkrar gəlirlər balansı profisitli olub, amma 1 il əvvələ nisbətən profisit azalıb”.

Bunu Azərbaycan Mərkəzi Bankının (AMB) Statistika departamentinin direktoru Samir Nəsirov dekabrın 15-də keçirilən brifinqdə bildirib.

"Bu da ölkəyə daxil olan pul baratlarının məbləğinin azalması ilə bağlıdır. Ötən ilin eyni dövründə 2,8 milyard ABŞ dolları, bu il isə 1,28 milyard ABŞ dolları vəsait daxil olub. Bunun da 829 milyon ABŞ dolları Rusiyadan köçürülüb.

Azərbaycana pul köçürmələrinin həcminə görə lider ölkələr beşliyinə Rusiya (829 milyon dollar), Türkiyə (115 milyon dollar), ABŞ (57 milyon dollar), Gürcüstan (26,7 milyon dollar) və Böyük Britaniya (25,7 milyon dollar) daxildir”, – o qeyd edib.