Mərkəzi Bankdan uçot dərəcəsi ilə bağlı qərar

Mərkəzi Bank uçot dərəcəsini sabit saxlayıb.

Qurumun İdarə Heyətinin qərarı ilə uçot dərəcəsi 7,25%, faiz dəhlizinin yuxarı həddi 8,25%, faiz dəhlizinin aşağı həddi isə 6,25% səviyyəsində saxlanılıb.

“Bu qərar faktiki və proqnozlaşdırılan inflyasiyanın hədəflə müqayisəsi, inflyasiya amillərinin dinamikası və risk balansının qiymətləndirilməsi nəzərə alınmaqla qəbul olunub. İnflyasiyanı artıran və azaldan amillərin bir-birini neytrallaşdırması faiz dəhlizi ilə bağlı qərarı şərtləndirən səbəblərdəndir”, – deyə Mərkəzi Bank bəyan edib.