Mikayıl Cabbarov Azərbaycan qazının Suriyaya ixrac edilməsinin əhəmiyyətindən danışdı
“Azərbaycan artıq 14 dövləti təbii qaz ilə təchiz edir. Bu, Azərbaycanı həm dünya, həm də regional miqyasda vacib qaz təchizatçısına, eləcə də enerji təhlükəsizliyinə töhfə verən dövlətə çevirir”.
Bunu iqtisadiyyat naziri Mikayıl Cabbarov Azərbaycandan Türkiyə üzərindən Suriyaya qazın nəqletmə mərasimi ilə bağlı keçirilən tədbirdə jurnalistlərə açıqlaması zamanı bildirib.
Nazirin sözlərinə görə, Suriya hazırda tarixinin çox vacib mərhələsindən keçir:
“Suriyadakı enerji təchizatının dayanıqlı olmaması milyonlarla insanı əhatə edir. Suriyaya verilən Azərbaycan qazından elektrik enerjisinin istehsalı üçün istifadə olunacaq. Azərbaycan bu təchizatın həyata keçirilməsi ilə yalnız Qərb istiqamətini deyil, Cənub və Şərq istiqamətini də rəqabətli şəkildə öz enerjisi ilə təchiz edə bilməsini əyani nümayiş etdirib”.
#İqtisadiyyat Nazirliyi teqi istifadə olunub
- Fiziki şəxslərin xaricdən əldə etdikləri gəlirlərə güzəşt - Baku TV
- Regionlardakı sahibkarlara 193 milyon manat kredit ayrılıb
- Azərbaycan və İsrail hökumətləri arasında Birgə Komissiyanın 4-cü iclası
- Əməkhaqqına vergi yeni qayda ilə tutulacaq | Detallar açıqlandı
- "Bu sahəyə böyük xarici investisiyalar gəlir" | İqtisadiyyat nazirindən açıqlama
