Növbəti 3 ildə büdcə məlumatlarının təhlili... | Hesablama Palatası sədrindən açıqlama

“2025-ci ilin dövlət büdcə xərclərinin 24,8 milyard manatının cari, 14,1 milyard manatının əsaslı, 2,4 milyard manatının isə dövlət borcuna xidmətlə bağlı xərclərə yönəldilməsi nəzərdə tutulmuşdur”.

Bunu Milli Məclisin İqtisadi siyasət, sənaye və sahibkarlıq komitəsinin noyabrın 18-də keçirilən iclasında “Azərbaycan Respublikasının 2025-ci il dövlət büdcəsi haqqında” qanun layihəsinin müzakirəsində Hesablama Palatasının sədri Vüqar Gülməmmədov deyib.

“Əvvəlki, növbəti və sonrakı 3 il üzrə büdcə məlumatlarının təhlili büdcənin strukturunda dəyişikliklərin olduğunu və nəzərdə tutulduğunu göstərir. Belə ki, əsaslı xərclərin azalması şəraitində cari və orta xidmət xərclərinin artımı proqnozlaşdırılır. Cari xərclərin tərkibində sosialyönümlü xərclərin xüsusi çəkisi çox əhəmiyyətlidir. Bu xərclərin dövlət büdcə xərclərində nisbəti 41 faiz təşkil edəcək”, – deyə o diqqətə çatdırıb.