İqtisadiyyat
Pleyeri seçin:
SOCAR-ın Türkiyədəki şirkəti birinci oldu
SOCAR-ın Türkiyədəki ən böyük aktivlərindən olan “Petkim” neft-kimya kompleksi Egey İxracatçı Birlikləri tərəfindən “İxracatın ulduzları” siyahısında həm ümumi reytinqdə, həm də kimya kateqoriyasında birinci yeri tutub.
Bu barədə “SOCAR Türkiyə”nin sosial şəbəkə hesablarında məlumat yayılıb.
Bildirilib ki, “Petkim” 2023-cü ildə 557 milyon ABŞ dolları ixrac gəliri əldə edib. “Petkim”in mükafatlarını “SOCAR Türkiyə” Neft Emalı və Neft-Kimya İş Bölməsinin prezidenti vəzifəsini icra edən Kənan Mirzəyevə İzmir valisinin müavini Kamil Köten və İzmir Ticarət Palatasının sədr müavini Emre Kızılgüneşler təqdim edib.
“Petkim” Türkiyənin ilk və yeganə inteqrasiya olunmuş neft-kimya kompleksi olmaqla yanaşı, həm də yerli sənaye sahələrinin ən mühüm xammal tədarükçülərindən biridir. Türkiyənin neft-kimya məhsullarına olan tələbatının təxminən 16 faizini şirkət istehsal edir.
Kopyalandı
Seçilmişlər
