SOCAR növbəti faiz ödənişlərini həyata keçirib

Azərbaycan Dövlət Neft Şirkəti (SOCAR) 1 noyabr 2021-ci ildə dövriyyəyə buraxdığı 100 milyon ABŞ dolları dəyərində yeni istiqrazlara görə sayca 16-cı dəfə faiz ödənişi həyata keçirib.

Bu barədə şirkətin törəməsi – "SOCAR Capital" xəbər verir.

Emissiya rospektinə əsasən, qeyri-iş gününə təsadüf edərsə, kupon ödənişi növbəti ilk iş günü icra olunur.

Xatırladaq ki, nominal dəyəri 1 000 ABŞ dolları olan 100 min ədəd istiqraz 5 il müddətinə tədavülə buraxılıb. Onların illik gəlirliliyi 4,5 %-dir. Faizlər rüblük ödənilir və hər dəfə istiqraz sahibləri 1,125 milyon dollar faiz alır. Bu gün növbəti faizlər istiqraz sahiblərinin hesablarına köçürülüb, investorların ümumi qazancı 18 milyon dollara yüksəlib. Bu rəqəm müddətin sonunda 22,5 milyon dollar təşkil edəcək.

İndiyə qədər SOCAR-ın yeni istiqrazları ilə ümumi dəyəri 82,3 milyon dollar olan təxminən 1 523 təkrar bazar əməliyyatı aparılıb. Hazırda bu istiqrazlar "Bakı Fond Birjası"nda ən çox ticarət olunan korporativ qiymətli kağızlardır.