SOCAR Özbəkistanla neft və qaz hasilatı üzrə danışıqlar aparır

“Biz SOCAR-ı Özbəkistana dəvət edirik və onunla neft və qaz hasilatı layihələrində iştirakla bağlı danışıqlar aparırıq”.

Bu sözləri Özbəkistanın investisiya, sənaye və ticarət naziri Laziz Kudratov jurnalistlərə açıqlamasında deyib.

“Eyni qaydada hazırda "Özbəkneftqaz" şirkətinin Azərbaycanda qaz hasilatı layihələrinə qoşulması məsələsi müzakirə olunur və yekun mərhələdədir. Pay iştirakı danışıqlar mövzusudur. Bu layihələrdə iştirakımız əcnəbi məsləhətçinin iştirakı ilə ciddi maliyyə və hüquqi ekspertiza tələb edir. Bu perspektivlərə ciddi yanaşırıq”, – o qeyd edib.