SOCAR Yaponiyanın bu şirkəti ilə əməkdaşlığa başlayır - Baku TV
Azərbaycan Dövlət Neft Şirkəti ilə Yaponiyanın "Yokogawa Electric Corporation" şirkəti arasında potensial əməkdaşlıq imkanlarının araşdırılması məqsədilə Anlaşma Memorandumu imzalanıb.
İmzalanma SOCAR-ın vitse-prezidentləri Anar Məmmədovun və Babək Hüseynovun iştirakı ilə "Yokogawa Europe B.V." şirkətinin prezidenti, "Yokogawa Electric Corporation"ın vitse-prezidenti və Avropa, Rusiya və MDB üzrə regional baş icraçı direktoru Seita Hagihara ilə keçirilən görüş çərçivəsində baş tutub.
Görüşdə ötən ilin sentyabrında Azərbaycanla Yaponiya arasında iqtisadi əməkdaşlıq üzrə Dövlət Komissiyasının 12-ci birgə iclası çərçivəsində əldə olunan razılaşmaların icrası istiqamətində atılan addımlar məmnunluqla qeyd olunub.
Söhbət zamanı tərəflər SOCAR-la "Yokogawa Europe B.V." şirkəti arasında enerji sahəsində qarşılıqlı maraq doğuran istiqamətləri nəzərdən keçirib, o cümlədən "downstream" və "upstream" sahələrində birgə fəaliyyət imkanlarını müzakirə ediblər.
#SOCAR teqi istifadə olunub
- Qırğızıstan SOCAR-la tərəfdaşlığın genişləndirilməsində maraqlıdır - Baku TV
- SOCAR və IE Universiteti arasındakı əməkdaşlıq çərçivəsində vacib tədbir - Baku TV
- Qazaxıstan neftinin daşınmasında tranzit həcm 4 milyon tona çatıb - Baku TV
- SOCAR "Palmali"nin qaldırdığı iddialarla bağlı arbitraj prosesində qalib gəldi - Baku TV
- Elşad Nəsirov İndoneziya səfiri ilə görüşdü | Qarşılıqlı əməkdaşlıq müzakirə olunub - Baku TV
