ABŞ Konqresində Azərbaycan əleyhinə təklif

Cənubi Qafqazda bir çox maraqların toqquşması regionun yeni gərginliyə ev sahibliyi edə biləcəyi ehtimalını artırır.

Uzun müddətdir erməni lobbisini məmnun etməyə çalışan amerikalı konqresmen Adam Şiff növbəti oyununa başlayıb.

Belə ki, konqresdə Azərbaycanın Qarabağa “təcavüzü” ilə bağlı akt müzakirəyə çıxarılıb.

Ermənilərin ağ atlı şahzadələrindən biri olan A.Şiffin iddiasına görə, Azərbaycanın “Artsax” xalqına qarşı davamlı hərəkətləri humanitar fəlakət yaradıb və etnik təmizləməyə bərabər olub. O tələb edir ki, “Artsax Gəlirlərinin Bərpası Fondu”u yaradılsın.

Bu Fond Azərbaycanın müsadirə edilən aktivlərini alacaq və daha sonra adıçəkilən vəsaitləri Azərbaycanın “hərbi hücumu” nəticəsində əmlakı, biznesi və iş yerlərini itirən “Artsax”dan didərgin düşən ermənilərə kompensasiya vermək üçün istifadə edəcək.

A.Şiffin bu təşəbbüslə təkbaşına çıxış etdiyini düşünmək əlbəttə ki, sadəlövhlük olardı.

Adam Şiff ANCA erməni lobbi təşkilatından aldığı milyonların müqabilində zaman-zaman Azərbaycanı hədəf almağı adi hala çevirib. Bu həmin Adam Şiffdir ki, 44 günlük müharibədən sonra dəfələrlə bütün erməni əsirlərin və saxlanılan digər şəxslərin geri qaytarılmasını ABŞ hökumətinin qarşısına tələb kimi çıxarıb.

Bəs hökumətin bu cür çağırışlar qarşısında reaksiyası nə olacaq?