ABŞ Rusiya sülhməramlıları ilə bağlı sualı cavabsız qoydu

“ABŞ Ermənistan-Azərbaycan sülh danışıqlarına sadiqdir”.

Bunu ABŞ Dövlət Departamentinin sözçüsünün müavini Vedant Patel keçirdiyi brifinqdə deyib. "Biz tərəfdaşların, həmçinin Avropa İttifaqının regionda etimadın yaradılması və Ermənistanla Azərbaycan arasında birbaşa dialoq üçün əlverişli mühitin təmin edilməsi istiqamətində səylərini alqışlayırıq. Biz bilavasitə bütün tərəfdaşlarımızı regiondakı müttəfiqlərimizlə sıx işləməyə davam edirik", - deyə o bildirib.

Rusiya sülhməramlılarının regiondakı rolu ilə bağlı suala cavab olaraq Dövlət Departamentinin rəsmisi deyib ki, bununla bağlı ABŞ-nin mövqeyi yoxdur. Vedant Patel əlavə edib ki, ABŞ dövlət katibi mövcud vəziyyətlə yaxından maraqlanır.