Aİ-nin Ermənistana kömək etməkdə əsas iki məqsədi | Ramid Namazovdan sensasiyalı açıqlama
Avropa İttifaqının Ermənistanı silahlandırmasının gələcək mərhələ üçün məqsədləri var.
Bunu Milli Məclisin Xarici müdaxilələrə və hibrid təhdidlərə qarşı müvəqqəti komissiyasının sədri Ramid Namazov parlamentdə ictimai dinləmə zamanı deyib.
Onun sözlərinə görə, Avropa İttifaqının "Sülh fondu" vasitəsilə Ermənistana hərbi yardımların ayrılması, Fransanın bu ölkəni öldürücü silahlarla təmin etməsi gələcəkdə bölgədə müharibə niyyətləri ilə bağlıdır. R.Namazovun fikrincə, Qərb gələcəkdə Ermənistan vasitəsilə bölgədə yeni müharibəyə başlamaq istəyir.
"Qərbin bölgədə müharibə ssenarisi iki versiya üzrə reallaşdırıla bilər. Birincisi, Ermənistan Azərbaycana qarşı təxribatlar törətməklə, ikincisi isə İrana hücum etməklə", ‒ o qeyd edib.
R.Namazov onu da bildirib ki, Qərbin Ermənistanın Zəngəzur bölgəsinin sosial-iqtisadi vəziyyətinin yaxşılaşdırılmasına xüsusi diqqət yetirməsi, ABŞ-nin Ermənistanla birgə hərbi təlimlər keçirməsi, Zəngəzurda yeni yollar çəkilməsi daha çox İrana qarşı hərbi əməliyyat planından xəbər verir.
"Qərbin Qərbi Zəngəzura olan bu marağının kökündə İrana qarşı hərbi əməliyyat planı dayanır", ‒ R.Namazov bildirib.
#Milli Məclis teqi istifadə olunub
- Pensiyalar nə qədər artırılacaq? - Deputat detalları açıqladı - Baku TV
- Lerikdə qarın yaratdığı fəsadlar Milli Məclisdə müzakirə olundu
- Deputatdan sosial şəbəkələrdə təhqir və böhtanlara qarşı çağırış
- "Bu, tamamilə yersizdir" | Fazil Mustafadan Naxçıvanın statusu ilə bağlı təklif - Baku TV
- Gənclərin virtual məkanda ictimai məsuliyyəti
