Pleyeri seçin:
ATƏT PA "Vaqner"i terror təşkilatı kimi tanıyıb
ATƏT Parlament Assambleyası Rusiyanı terrorizmə himayədarlıq edən dövlət, “Vaqner” özəl hərbi şirkətini isə terror təşkilatı kimi tanıyıb.
Bu barədə Ukraynanın “Xalqın xidmətçisi” parlament fraksiyasının sədr müavini Yevgeniya Kravçuk “Facebook” sosial şəbəkəsindəki hesabında yazıb.
Onun sözlərinə görə, bununla bağlı ATƏT Parlament Assambleyasının Vankuverdə keçirilən sessiyasında yekun bəyannamə qəbul edilib.
Sənəddə deyilir ki, “Vaqner” özəl hərbi şirkətinin Rusiya hökuməti adından hərəkətləri haqlı olaraq terrorçuluq kimi səciyyələndirilə bilər.
“İlk dəfədir ki, belə bir ifadə beynəlxalq təşkilatın rəsmi sənədində öz əksini tapıb”, – deyə Yevgeniya Kravçuk qeyd edib.
Bundan əvvəl, ATƏT Parlament Assambleyasının plenar iclasında Rusiyanın Ukraynada törədilmiş hərbi cinayətlərə görə məsuliyyət daşıması üçün xüsusi tribunalın yaradılması haqqında qətnamə qəbul edilib.
Kopyalandı
#ATƏT Parlament Assambleyası teqi istifadə olunub
Seçilmişlər
