Ayxan Hacızadə fransalı naziri belə susdurdu | Fransanın bu əməlləri ifşa edildi
Rəsmi Parisin Ermənistanı öldürücü silahlarla təchiz etməsi, eləcə də sülhə xidmət göstərməyən uzunmüddətli anti-Azərbaycan mövqeyi Fransanın Avropa və xarici işlər naziri Jan Noel Barronun regional gərginliklə bağlı narahatlığı ilə ziddiyyət yaradır.
Bu barədə Xarici İşlər Nazirliyinin mətbuat katibi Ayxan Hacızadə özünün "X" hesabında yazıb.
O bildirib ki, bu ikili yanaşma Fransanın riyakarlığını ifşa edir.
"Sülh müqaviləsinin layihəsi üzərində işin yekunlaşması mühüm inkişaf olsa da, sazişin imzalanması və davamlı sabitlik əsas məsələlərin, xüsusilə də Ermənistanın Konstitusiyasında ərazi iddialarının həll edilməsini və Fransa da daxil olmaqla destabilləşdirici xarici müdaxilələrin dayandırılmasını tələb edir", − deyə Xarici İşlər Nazirliyinin sözçüsü vurğulayıb.
A.Hacızadə onu da qeyd edib ki, insanlıq əleyhinə cinayətlərdə ittiham olunan şəxslər üçün məhkəmə proseslərinin qarşısının alınması təkcə daxili işlərə müdaxilə deyil, həm də belə cinayətlərə görə məsuliyyətə xələl gətirir.
#Xarici İşlər Nazirliyi teqi istifadə olunub
- Azərbaycan XİN-dən Rusiyaya xəbərdarlıq - ANA XƏBƏR
- Azərbaycan XİN-dən Rusiyaya etiraz | Nə baş verdi? - Baku TV
- Ceyhun Bayramov və Kaya Kallas əməkdaşlığın inkişaf perspektivlərini nəzərdən keçirib - Baku TV
- XİN liderləri nəyi müzakirə etdilər? - Baku TV
- Xarici işlər naziri qondarma “erməni soyqırımı” ilə bağlı bəyanata reaksiya verib - Baku TV
