AZAL Rusiyanın bir sıra şəhərlərinə uçuşlarla bağlı məlumat yaydı
“Azərbaycan Hava Yolları” aviaşirkəti (AZAL) “Embraer 190” təyyarəsinin qəzaya uğraması ilə bağlı aparılan ilkin araşdırmaların nəticələrini və uçuşların təhlükəsizliyində yarana biləcək riskləri nəzərə alaraq, Bakıdan Rusiyanın Mineralnıye Vodı, Soçi, Volqoqrad, Ufa, Qroznı, Mahaçqala hava limanlarına reysləri 28 dekabr 2024-cü il tarixindən yekun araşdırma başa çatana qədər Azərbaycan Dövlət Mülki Aviasiya Agentliyinin qərarına əsasən dayandırıb.
Qeyd edək ki, dekabrın 25-də AZAL Bakıdan Qroznı və Mahaçqala şəhərlərinə uçuşların dayandırılması barədə qərar vermişdi.
Təhlükəsizlik səbəbindən qeyd edilən istiqamətlər üzrə digər aviaşirkətlərin də uçuşlarının dayandırılması barədə qərar qəbul edilib.
Mövcud vəziyyətlə əlaqədar olaraq, bu istiqamətlər üzrə bileti olan sərnişinlər ödənişin tam geri qaytarılması və ya biletlərin ödənişsiz dəyişdirilməsi hüququna malikdirlər.
Bununla yanaşı, aviaşirkət bütün uçuş təhlükəsizliyi tələbləri və qaydaları rəhbər tutaraq Moskva, Sankt-Peterburq, Yekaterinburq, Həştərxan, Kazan və Novosibirsk şəhərlərinə uçuşları davam etdirəcək.
#AZAL teqi istifadə olunub
- Rusiya AZAL təyyarəsi ilə bağlı istintaqı niyə dayandırdı və nəyi gizlədir? - AKTUAL GÜNDƏM
- Rusiya İstintaq Komitəsinin rəhbəri Bastrıkin həqiqəti ört-basdır etdi? - Baku TV
- Rusiya cinayət işinə xitam verir? - Baku TV
- Qazaxıstan Aktaudakı təyyarə qəzası barədə araşdırmanın nəticəsini açıqladı - Baku TV
- "Bu bizim bölüşdüyümüz bir faciədir" | Zaxarovadan vacib açıqlama - Baku TV
