Təhlükəsizlik və dəqiq intizam | Təlim mərkəzində pilotlar hansı mərhələləri keçir? - Baku TV
Yeniliklərdən dərhal xəbərdar olun
Pilot olmaq yalnız təyyarəni idarə etməyi bacarmaq demək deyil. Bu peşə dərin nəzəri bilik, praktiki təcrübə və məsuliyyət tələb edir. Qəbələ Uçuş Heyətinin Hazırlığı Mərkəzində də gələcəyin pilotları məhz bu prinsiplər əsasında yetişdirilir.
Peşəkar pilotların hazırlanması, onların bilik və bacarıqlarının inkişafı istiqamətində fəaliyyət göstərən Mərkəz “Azərbaycan Hava Yolları” (AZAL) tərəfindən təsis olunub. 24 oktyabr 2024-cü il tarixində Dövlət Mülki Aviasiya Agentliyi tərəfindən təsdiq edilən təlim təşkilatı sertifikatını əldə edib. Mərkəzin baş ofisi fnda, təlim bazası isə Qəbələ Hava Limanında yerləşir.
Mediatur çərçivəsində jurnalistlərə təlim bazasının fəaliyyəti ilə yerində tanış olmaq imkanı yaradılıb. İlkin pilot hazırlığının mərhələləri və 10 günlük bilik və bacarıqların yenilənməsi kursu barədə məlumat verilib.
Qəbələ Uçuş Heyətinin Hazırlığı Mərkəzinin rəis müavini Seymur Quliyevin sözlərinə görə, hazırda Mərkəzdə beş ədəd “Cessna” hava gəmisi var:
“Bu ilin sonunda bir ədəd “Cessna” hava gəmisinin gətirilməsi planlaşdırılır. Bu da təlim imkanlarımızın genişləndirilməsinə gətirib çıxaracaq və yerli kadrların hazırlanmasına töhfəsini verəcək”.
#Qəbələ rayonu teqi istifadə olunub
- Qəbələdə Bum qəsəbəsinin sakinlərinin poçt problemi | Qurumdan açıqlama - Baku TV
- Yerli və xarici aşpazların əl işləri Qəbələdə diqqət mərkəzində - Baku TV
- “Belə yaşamaqdansa, kirayə qalmaq sərfəlidir” | Həll edilməyən problem sakinləri bezdirdi - Baku TV
- "Ağıllarına gələni yazırlar" | Ev sahibi Qəbələdəki müəmmalı ölümlə bağlı danışdı - Baku TV
- Qəbələdə istirahət üçün kirayələnən evdə dəhşətli hadisə
