Azərbaycan, Rusiya və İrana qarşı plan | Ermənistandakı missiya münaqişə ocağı yaradır?

"Avropa İttifaqının Ermənistandakı müşahidə missiyası faktiki olaraq Azərbaycan, Rusiya və İran əleyhinə kəşfiyyat məlumatları toplayır".

Rusiya mediasına müsahibəsində bu ölkənin Azərbaycandakı səfiri Mixail Yevdokimov belə deyib.

O bildirib ki, Vaşinqton və müttəfiqləri Kiyev rejimi və mövcud bir sıra marionet hökumətlər vasitəsilə Rusiyanın qonşuluğunda münaqişə ocaqlarını alovlandırmaq üçün istənilən addımlara hazırdır.

Kanadadan olan ekspertlərin də missiyanın tərkibinə daxil edilməsi ilə bu qrupun fəaliyyəti NATO-nun şübhəli məqsədlərə xidmət edən əməliyyatına çevrilib. Missiyanın məxfiliyi, nə Ermənistan, nə də Azərbaycana tabe olması onun Qərbin hibrid müharibə aləti olduğunu deməyə əsas verir.