Azərbaycan və Şimali Kipr prezidentləri Türkiyədə görüşdü
Prezident İlham Əliyevin aprelin 11-də Antalyada Şimali Kipr Türk Cümhuriyyətinin Prezidenti Ersin Tatarla görüşü olub.
Söhbət zamanı Prezident İlham Əliyevlə Ersin Tatar arasında ölkəmizdə və beynəlxalq tədbirlər çərçivəsində keçirilən görüşlər, həmçinin ötən il onun Şuşada Türk Dövlətləri Təşkilatının dövlət başçılarının qeyri-rəsmi Zirvə toplantısında iştirakı məmnunluqla xatırlanıb.
İlham Əliyev Şimali Kipr Türk Cümhuriyyətinin Türk Dövlətləri Təşkilatına müşahidəçi qismində qatılmasını qeyd edib.
Ersin Tatar dövlət başçısına Şimali Kipr Türk Cümhuriyyətinə göstərdiyi həmrəyliyə və dəstəyə, həmçinin bir neçə gün əvvəl ADA Universitetində keçirilən beynəlxalq forumda dediyi sözlərə görə minnətdarlığını ifadə edib.
Söhbət zamanı müxtəlif səviyyələrdə qarşılıqlı səfərlərin həyata keçirilməsi və bir sıra sahələrdə əməkdaşlıq məsələlərinə toxunulub.
#İlham Əliyev teqi istifadə olunub
- Azərbaycanla BƏƏ arasında enerji və müdafiə sahələrində sənədlər imzalanıb - Baku TV
- İlham Əliyevin BƏƏ Prezidenti ilə görüşü olub - Baku TV
- Prezident İlham Əliyev BƏƏ-yə səfər etdi - Baku TV
- Siyasi oyunlarla hədəfə alınan gənclər | "Elə etməlisiniz ki, heç vaxt..." - Baku TV
- "Misilsiz rəşadət göstərdilər" | Nazir Prezidentin müraciətini gənclərə çatdırdı - Baku TV
