Azərbaycan XİN Yaxın Şərqdə son baş verənlərlə bağlı paylaşım etdi

“Azərbaycan İran və İsrail arasında artan gərginlikdən dərin narahatdır”.

Bu barədə Azərbaycanın Xarici İşlər Nazirliyinin “X” hesabındakı paylaşımında qeyd olunub.

“Biz bütün tərəfləri təmkinli olmağa və Yaxın Şərqdə vəziyyəti daha da gərginləşdirəcək təhlükəli eskalasiyadan qaçmağa çağırırıq”, – XİN bildirib.

Qeyd edək ki, İran və İsrail arasındakı gərginlik son illərin pik həddinə çatıb. İran pilotsuz uçuş aparatları və raketlərlə İsrailə hücum edib. İsrail hökuməti bu hücuma qarşılıq verəcəyini bildirib.