Pleyeri seçin:
Azərbaycandan Ukraynaya növbəti humanitar yardım | Yuri Qusevdən açıqlama
"Ukraynaya göstərilən növbəti humanitar yardım üçün Azərbaycan Prezidenti İlham Əliyevə təşəkkürümü bildirirəm".
Bu barədə Ukraynanın Azərbaycandakı səfiri Yuri Qusev Sumqayıtda bu ölkəyə növbəti humanitar yardımın göndərilməsi mərasimi çərçivəsində jurnalistlərə açıqlamasında deyib.
"Mən Ukrayna üçün çox vacib və zəruri olan bu yardıma, dəstəyə görə ölkə lideri və Azərbaycan hökumətinə dərin minnətdarlığımı bildirmək istəyirəm. Biz bu avadanlıqlardan bütün elektrik sistemimizin bərpası üçün istifadə edirik. Qeyd edim ki, bu, cari il ərzində dost ölkə Azərbaycanın göndərdiyi elektrik avadanlıqlarından ibarət ikinci yardım paketidir", – deyə diplomat bildirib.
Səfir əlavə edib ki, Ukrayna Azərbaycanın dəstəyini qiymətləndirir və həmişə ölkənin ərazi bütövlüyünü və suverenliyini dəstəkləyib: "Tariximizin bu ağır dövründə Azərbaycanın bizi dəstəkləməsini qiymətləndiririk".
Kopyalandı
#Ukrayna səfirliyi teqi istifadə olunub
Seçilmişlər
