BƏƏ lideri İlham Əliyevə təklif və təşəkkürlərini bildirdi

“Cənab Prezident, qonaqpərvərliyə, səmimi qəbula və xüsusən də dünən iki saatdan artıq keçirdiyimiz gözəl vaxta görə bir daha minnətdarlığımı bildirmək istəyirəm”.

Bu sözləri Birləşmiş Ərəb Əmirliklərinin (BƏƏ) Prezidenti Şeyx Məhəmməd bin Zayed Əl Nəhyan Azərbaycan Respublikasının Prezidenti İlham Əliyev ilə geniş tərkibdə görüşündə deyib.

“Birləşmiş Ərəb Əmirliklərinin bütün təcrübəsi hesab edin ki, sizin əlinizdədir. Hər bir sahədə biz öz təcrübəmizi sizinlə bölüşməyə, xüsusən də COP29-un keçirilməsində öz təcrübəmizi sizinlə paylaşmağa hazırıq”, – deyə BƏƏ Prezidenti əlavə edib.