Bu rüsvayçılıqdan qurtulmayacağıq | Erməni politoloqdan iddialı açıqlama

“2020-ci ildə 44 gün ərzində “Artsax” separatçıları Azərbaycanın hücumuna məruz qalanda, 2022-ci ilin sonundan 2023-cü ilin payızına qədər Qarabağ erməniləri blokada şəraitində qalanda, 2023-cü ilin sentyabrında “Artsax” süqut edəndə N.Paşinyan onların müstəqilliyini tanımadı. Lakin bu gün Ermənistan Fələstinin müstəqilliyini tanıyıb”.

Bu sözlər erməni politoloq, revanşist Beniamin Matevosyan tərəfindən yazılıb.

“Bu gün xüsusi təyinatlılar nümayişkaranə şəkildə İrəvandakı “Artsax nümayəndəliyi”nin qapısını sındırdılar və Samvel Şahramanyanı apardılar. Biz xalq olaraq əsrlər boyu bu rüsvayçılıqdan qurtulmayacağıq.

Bugünkü maska şouya gəlincə isə bu, məntiqi nəticədir. Məntiqi nəticə odur ki, Ermənistana gələn Qarabağ erməniləri səs çıxarmadı. Bilin ki, Nikol Qarabağ ermənilərinin qapıları ilə kifayətlənməyəcək, o, Qarabağ ermənilərinin hər bir nümayəndəsinin evinə girəcək”, – deyə B.Matevosyan qeyd edib.