Bu tarix Xankəndi, Xocalı, Xocavənd və Ağdərə şəhərləri günü olacaq

Prezident İlham Əliyev “Azərbaycan Respublikasının işğaldan azad edilmiş əraziləri üzrə şəhər günlərinin təsis edilməsi haqqında” Sərəncamında dəyişiklik edilməsi barədə” Sərəncam imzalayıb.

Dəyişikliyə əsasən, 20 sentyabr Xankəndi, Xocalı, Xocavənd və Ağdərə şəhərləri günü kimi qeyd ediləcək.

Mədəniyyət Nazirliyinə Prezidentin aidiyyəti xüsusi nümayəndəlikləri ilə birlikdə Sərəncamdan irəli gələn məsələlərin həlli üçün zəruri tədbirlər görmək tapşırılıb. Nazirlər Kabineti isə Sərəncamdan irəli gələn məsələləri həll edəcək.