“Bu tarixi hadisə sayəsində...” | Ombudsmandan Anım Günü ilə bağlı bəyanat

Azərbaycanın İnsan Hüquqları üzrə Müvəkkili (Ombudsman) Səbinə Əliyeva 27 Sentyabr Anım Günü, yəni Vətən müharibəsinin başlamasının 5-ci ildönümü ilə bağlı geniş bəyanat yayıb. Bəyanatda 2020-ci ildə Ermənistanın hərbi əməliyyatlarına cavab olaraq Azərbaycanın BMT Nizamnaməsinin 51-ci maddəsinə əsaslanaraq özünümüdafiə hüququndan istifadə etməsi vurğulanır. Ombudsman, Antiterror tədbirləri və Vətən müharibəsi nəticəsində Azərbaycanın suverenliyinin və ərazi bütövlüyünün tam təmin edildiyini, bunun isə bölgədə insan hüquqlarının qorunması üçün yeni imkanlar açdığını qeyd edib. O, həmçinin Azərbaycan və Ermənistan liderlərinin ABŞ-da parafladığı Sülh Sazişini "tarixi hadisə" adlandıraraq, bu sənədin regionda davamlı sülh və sabitliyin təminatına xidmət edəcəyini bildirib. Səbinə Əliyeva çıxışının sonunda bütün şəhidlərin əziz xatirəsini ehtiramla yad edib.