Çad nümayəndəsi: Azərbaycan sayəsində BMT qətnaməsi qəbul edildi

“Azərbaycanın Qoşulmama Hərəkatına sədrliyini yüksək qiymətləndiririk. Biz həm də sədrliyin 2020-ci ildə dünyanın pandemiyaya görə çox çətin vəziyyətdə olduğu bir vaxtda başlamasına da dəyər veririk”.

Bunu Çad Prezidentinin nümayəndəsi Şua Uşemi jurnalistlərə açıqlamasında deyib.

“Prezident İlham Əliyevin rəhbərliyi ilə sammit onlayn formatda yüksək səviyyədə təşkil edilmişdi. Azərbaycanın sədrliyi sayəsində bütün ölkələr üçün peyvənd və dərmanların əlçatanlığını təmin edən BMT-nin xüsusi qətnaməsi qəbul edildi. Biz çox xoşbəxtik ki, yüksək səviyyədə təşkil edilən bir sammitdə iştirak edirik. Ümid edirik ki, postpandemiya dövründə də səhiyyə sisteminin inkişafı üçün əməkdaşlığımız uğurlu olacaq”, - deyə Çad nümayəndəsi bildirib.