Siyasət
Pleyeri seçin:
Ceyhun Bayramov lüksemburqlu həmkarı ilə danışdı | Ermənistanla bağlı müzakirə
Azərbaycan xarici işlər naziri Ceyhun Bayramovla Lüksemburq Böyük Hersoqluğunun xarici işlər və xarici ticarət naziri Xavier Bettel arasında telefon danışığı baş tutub.
Xarici İşlər Nazirliyi bununla bağlı məlumat yayıb.
Bildirilib ki, telefon danışığı zamanı iki ölkə arasında əməkdaşlıq məsələləri, regional və beynəlxalq təhlükəsizlik vəziyyəti müzakirə olunub.
Ceyhun Bayramov həmçinin qarşı tərəfi postmünaqişə dövründə bölgədə mövcud vəziyyət və reallıq, Azərbaycan və Ermənistan arasında normallaşma prosesinin gedişatı, hazırkı vəziyyəti barədə ətraflı məlumatlandırıb.
Ermənistan qanunvericiliyində ölkəmizə qarşı davam edən ərazi iddialarının, habelə bu ölkənin sürətli hərbiləşməsinin bölgədə dayanıqlı sülh quruculuğu prosesinə təhdid törədən əsas amillər olduğu vurğulanıb.
Kopyalandı
Seçilmişlər
