Pleyeri seçin:
Danimarkanın Ankaradakı səfiri Türkiyə XİN-ə çağırıldı
Danimarkanın Ankaradakı səfiri Türkiyə Xarici İşlər Nazirliyinə çağırılıb. Buna səbəb Danimarkada “Qurani-Kərim”ə və Türkiyə bayrağına hücumdur.
Nazirlikdən bildirilib ki, söz azadlığı adı altında bu mənfur hərəkətə icazə verilməsi qətiyyən yolverilməzdir və belə bir yanaşma heç vaxt əsaslandırıla bilməz.
“Martın 24-də Danimarkada müqəddəs kitabımız “Qurani-Kərim”ə və əzəmətli bayrağımıza qarşı törədilən nifrət cinayətinə 31 mart Ramazan ayında yenidən icazə verilməsini şiddətlə qınayırıq. Nazirliyimizə çağırılan Danimarka səfirinə məlumat verildi ki, biz bu iyrənc hücumu qətiyyətlə pisləyirik və etiraz edirik. Biz bir daha Danimarka hakimiyyətini bu cinayəti törədənlərə qarşı lazımi addımlar atmağa və bu cür təxribatların təkrarlanmaması üçün təsirli tədbirlər görməyə çağırırıq”, - deyə Türkiyə XİN-in yaydığı məlumatda qeyd olunub.
Kopyalandı
#Danimarka teqi istifadə olunub
Seçilmişlər
