Dövlət başçısı İlham Əliyev Avropa İttifaqı Şurasının Prezidentini təbrik etdi
Prezident İlham Əliyev Avropa İttifaqı Şurasının Prezidenti Antonio Koştaya təbrik məktubu ünvanlayıb.
“Hörmətli cənab Prezident, Avropa İttifaqı Şurasının Prezidenti kimi fəaliyyətə başlamağınız münasibətilə sizi təbrik edirəm. Azərbaycanla Avropa İttifaqı arasında əməkdaşlıq əlaqələri geniş gündəliyə malikdir və enerji, o cümlədən yaşıl enerji, nəqliyyat, ticarət və digər sahələri əhatə edir. Avropanın enerji təhlükəsizliyinin təminatında Azərbaycanın mühüm rolu danılmazdır.
İnanıram ki, Azərbaycanla Avropa İttifaqı arasında siyasi dialoqun, iqtisadi-ticari əməkdaşlığın və mədəni mübadilələrin qarşılıqlı maraqlarımıza uyğun olaraq bundan sonra da inkişaf etməsi, konstruktiv tərəfdaşlığımızın möhkəmlənməsi üçün birgə səylər göstərəcəyik. Sizə qarşıdakı məsul fəaliyyətinizdə uğurlar arzulayıram”, – deyə məktubda qeyd olunur.
#İlham Əliyev teqi istifadə olunub
- Azərbaycanın uğur formulunun mərkəzində Prezident İlham Əliyev faktoru - Baku TV
- Azərbaycanda 2026-cı il "Şəhərsalma və Memarlıq İli" elan edildi
- Aztəminatlı ailələrə birdəfəlik maddi yardım verilməsi haqqında sərəncam
- İlham Əliyev MDB liderlərinin görüşündə niyə iştirak etməyəcək? - Baku TV
- “Bu, miqyasına görə ən böyüyüdür” | Amnistiya aktının icrasına başlanıldı - Baku TV
