Elçin Əmirbəyov: Ermənistan Qarabağa yeni silahlar gətirir
Azərbaycanın Birinci vitse-prezidenti Mehriban Əliyevanın köməkçisi Elçin Əmirbəyov Fransanın "France 24" telekanalına müsahibə verib.
Bu barədə Azərbaycanın Fransadakı səfiri Leyla Abdullayeva "Twitter" hesabında paylaşım edib. Elçin Əmirbəyov Azərbaycanın Ermənistana beynəlxalq hüquq normalarına uyğun sülh müqaviləsi təklif etdiyini bildirib.
"Əlbəttə ki, sülh müqaviləsi hazırlanarkən hər iki tərəfin suverenliyi, beynəlxalq səviyyədə tanınmış sərhədləri və ərazi bütövlüyü nəzərə alınıb", - deyə E.Əmirbəyov qeyd edib.
Vitse-prezidentin köməkçisi həmçinin Laçın yolunun Azərbaycan tərəfindən bağlanmadığını da diqqətə çatdırıb. O, Ermənistanın imzaladığı sənədlərin əleyhinə hərəkət etdiyini, Laçın yolu ilə Qarabağa yeni silahlar, minalar və hərbçilər gətirdiyini açıqlayıb.
#Ermənistan teqi istifadə olunub
- Ermənistanın Baş naziri yük tranzitinin bərpasına görə Azərbaycana təşəkkür edib - Baku TV
- Ermənistan bankları rusiyalılara niyə xidmət göstərməkdən imtina edir? - Baku TV CANLI
- Azərbaycan–Ermənistan arasında neft tədarükünün ilk mərhələsi - Baku TV
- Azərbaycandan gedən neft məhsulları Ermənistana çatdı
- Azərbaycan yanacağını Ermənistana çatdıran ilk qatarın görüntüləri - Baku TV
