Əli Hüseynli Fransanın qeyri-insani rəftarından danışdı

“Fransa uzun illər qeyri-insani rəftar nümayiş etdirərək, 1966-1990-cı illərdə dənizaşırı adalarda 200-ə yaxın nüvə silahı tətbiq edib və Maohi Nui xalqı bundan çox əziyyət çəkib”.

Bunu Milli Məclis sədrinin birinci müavini, parlamentin Hüquq siyasəti və dövlət quruculuğu komitəsinin sədri Əli Hüseynli “Fransız Polineziyasının dekolonizasiya hüququ – çağırışlar və perspektivlər” mövzusunda Bakıda keçirilən konfransda səsləndirib.

O deyib ki, Maohi Nui xalqına qarşı törədilən cinayətlərə görə cavab verilməlidir. Nüvə silahı nəticəsində bu xalqın təbiətinə, sağlamlığına dəyən ziyanın kompensasiyası ödənilməlidir.

“Azərbaycan xalqı daim ədalətin yanındadır”, – deyə Ə.Hüseynli əlavə edib.