Siyasət
Pleyeri seçin:
Ərdoğan İlham Əliyev və Azərbaycan xalqını 8 Noyabr - Zəfər Günü münasibətilə təbrik edib
"Qarabağ zəfərinin dördüncü ildönümünü böyük coşqu və qürurla qeyd edən Can Azərbaycanı, Azərbaycan xalqının Zəfər Gününü ürəkdən təbrik edirəm".
Bu sözləri Türkiyə Prezidenti Rəcəb Tayyib Ərdoğan özünün "X" hesabında Zəfər Günü ilə bağlı paylaşımında qeyd edib.
"Prezident İlham Əliyev qardaşımın timsalında 44 günlük Vətən müharibəsində zəfər qazanan Azərbaycan Hərbi Qüvvələrinin qəhrəman heyətini ölkəm və millətim adından hörmətlə salamlayıram.
Adlarını tarixə şərəflə yazdıran əziz şəhidlərimizin hamısını rəhmətlə yad edir, uca ruhları qarşısında baş əyirəm. Qarabağın səmalarında nazlı aypara dalğalansın deyə can verən qəhrəmanlarımızı hər zaman minnətdarlıqla yad edəcəyik", – deyə Rəcəb Tayyib Ərdoğan paylaşımında yazıb.
Kopyalandı
Seçilmişlər
