Erməni araşdırmaçısı Rəşid Behbudov haqqında böhtan yaydı | QƏRBİ AZƏRBAYCAN XRONİKASI

“Qərbi Azərbaycan Xronikası” layihəsi çərçivəsində “Erməni araşdırmaçı Rəşid Behbudov haqqında böhtan yaydı” adlı veriliş hazırlanıb.

Verilişdə erməni araşdırmaçıların dahi sənətkarlar Rəşid Behbudov, Qara Qarayev, Müslüm Maqomayev haqqında yalan və böhtan dolu məlumatlar yayması ön plana çəkilir, hayların Qərbi Azərbaycanda soydaşlarımızın yalnız bir neçə kənddə yaşadığını və təsərrüfatla məşğul olduğunu iddia etməsinin bu ərazidə böyük tarixi irsi silmək məqsədi daşıdığı bildirilir.

Qeyd olunub ki, Qərbi Azərbaycanın öncəki və sovetləşmə dövründə azərbaycanlı ictimai xadimlər, elm, təhsil, mədəniyyət, incəsənət adamları, tanınmış simaları yetişmiş, ölkənin həyatında böyük rol oynamış və bu gerçəklik millətçi erməni tarixçilərinə sərf etmirdi.

Vurğulanıb ki, araşdırmaçı David Petrosyan azərbaycanlıların ziyalıları haqqında və onların erməni ictimai, ədəbi, mədəni mühitinə böyük təsirindən danışır, azərbaycanlılarla dost olmasa da, həqiqəti dana bilmədiyini açıqlayır.

O, erməni xislətindən irəli gələrək böyük sənətkar Rəşid Behbudov haqqında məlumatları saxtalaşdırılmış, təhrif olunmuş şəkildə təqdim edir. Təbii ki, bu, sağalmaz erməni xəstəliyinin ən adi simptomlarıdır.