Ermənilər yaş, cins fərq etmədən… | Təşkilat təxribata hazırlıq görür?

28 avqust 2024 314 baxış

Ermənistan ərazisində fəaliyyət göstərən, sıralarına əsasən muzdlu döyüşçüləri cəlb etməklə məşğul olan VOMA terror qruplaşması Ermənistan vətəndaşlarına müraciət ünvanlayıb.

Müraciətdə terrorçuluq təlimlərinə qoşulmaq istəyənlərə çağırış edilib.

Bu barədə onların “Telegram” kanallarında məlumat verilib.

Belə ki, özünün mənfur niyyətlərini həyata keçirmək istəyən VOMA müxtəlif hərbi təlimlərə start verdiyini açıqlayıb. Yaş, cins, dini və siyasi baxışlar fərq etmir.

Məlumat üçün qeyd edək ki, təşkilat Ermənistan vətəndaşlarının, həmçinin ABŞ və Avropa ölkələrindəki erməni diasporunun maliyyə dəstəyi sayəsində fəaliyyət göstərir. VOMA terror qruplaşmasının qurucusu və başçısı Ermənistanda ilk kəşfiyyat-diversiya dəstəsinin rəhbəri olmuş Vova Vartanovdur.

O, Birinci Qarabağ müharibəsinin iştirakçısıdır. Eyni zamanda VOMA-nın sıralarında olan şəxslər 44 günlük müharibədə Ermənistan Ordusu tərkibində Azərbaycana qarşı döyüşlərdə iştirak ediblər.

#Ermənistan