Ermənistan ikibaşlı oyunlarından əl çəkmir | Simonyandan sülhlə bağlı açıqlama
“Başlıca məsələlərlə bağlı kompromis əldə edilməzsə, Ermənistanın Azərbaycanla istənilən sülh sazişini imzalamaqdan imtinası istisna deyil”.
Bunu Ermənistan parlamentinin sədri Alen Simonyan aprelin 9-da qanunverici orqanın iclasında çıxışı zamanı bildirib.
Onun sözlərinə görə, Ermənistan ərazisinin hər hansı hissəsindən imtina müzakirə mövzusu deyil. Danışıqlar davam edir, işçi qruplar görüşür, amma bu, hələlik heç nə ifadə etmir:
“Əgər biz razılığa gəlməsək, onda ümumiyyətlə, istənilən sənədi imzalamaqdan imtina etməyimiz mümkündür”.
Alen Simonyan həmçinin vurğulayıb ki, Azərbaycanla danışıqlar və işçi qrupların təmasları davam edir.
“Amma bu o demək deyil ki, onlar Ermənistan ərazilərinin Azərbaycana verilməsini müzakirə edirlər”, – deyə erməni spiker bildirib.