Ermənistana arxa duran ABŞ və Fransanın bu dəfə də Gürcüstan xəyalları suya düşdü

“Gürcüstanda keçirilən seçkilər Azərbaycan və erməniləri bölgədə hələ də dəstəkləməkdə davam edən ABŞ-dəki müəyyən qüvvələr, Fransa dövləti arasında bir qarşıdurma idi. Bu kontekstdə deyə bilərik ki, Azərbaycan növbəti dəfə öz milli, suveren maraqları naminə məhz Gürcüstanda da Fransa və ABŞ-yə qalib gəldi”.

Bunu Baku TV-nin departament rəhbəri Turan İbrahimov bildirib.

“Hazırda Azərbaycanın Qərb dünyası ilə bütün əlaqələri Gürcüstan üzərindəndir. Fransa və ABŞ hakimiyyəti dəyişməklə Gürcüstanda Azərbaycana bu istiqamətdə problem yaradacaqlarına ümid edirdilər. Həmçinin düşünürdülər ki, Ermənistanın rahat nəfəs almasına şərait yaradılacaq, bu ölkəni Gürcüstan üzərindən silahlandıracaqlar.

Nəticədə Ermənistan Azərbaycanla münasibətlərində daha da aqressivləşəcək, artıq sülh müqaviləsindən danışılmayacaq. Revanşistlər Ermənistanda daha güclü şəkildə eşidiləcək, Qərb ölkələri, Fransa, ABŞ onları dəstəkləyəcək və onlar da Azərbaycanı növbəti müharibəyə çəkəcəklər”, – deyə jurnalist diqqətə çatdırıb.

T.İbrahimov qeyd edib ki, Gürcüstanda hakimiyyəti dəyişmək planı həm də Azərbaycan və Türkiyənin bölgədə söz sahibi olmasına qarşı gediş idi:

“Bu gediş isə alınmadı. Bəli, rahat bir şəkildə deyə bilərik ki, Gürcüstanda iqtidar partiyası, həm də nəticə etibarilə Azərbaycan dövlətinin maraqları qalib gəldi”.