Siyasət
Pleyeri seçin:
Gürcüstanın parlament sədri Bakıda keçiriləcək COP29-un önəmindən danışdı
“COP29 kimi beynəlxalq bir tədbirin Bakıda keçirilməsi Azərbaycan üçün tarixi hadisədir”.
Bu sözləri Gürcüstan parlamentinin sədri Şalva Papuaşvili “Report” informasiya agentliyinə açıqlamasında bildirib.
O, Azərbaycanın beynəlxalq tədbirlərin təşkilindəki təcrübəsinin əhəmiyyətini vurğulayıb:
“COP29 kimi beynəlxalq tədbirin Bakıda keçirilməsi Azərbaycanın dünya miqyasında yüksək nüfuzunun göstəricisi kimi qiymətləndirilir.
Mən Azərbaycana COP29-u yüksək səviyyədə və uğurla keçirməsini arzulayıram. Bakıda olduğum zaman müxtəlif məkanlarda bu böyük tədbir üçün hazırlıq işlərinin necə intensiv şəkildə getdiyini müşahidə etdim. Ona görə də əminəm ki, bu konfrans ən yüksək standartlara uyğun keçiriləcək və tarixə düşəcək”.
Ş.Papuaşvili həmçinin qeyd edib ki, belə tədbirlər ölkənin beynəlxalq müstəvidəki rolunu daha da gücləndirir.
Kopyalandı
Seçilmişlər
