II Şuşa Qlobal Media Forumunda iştirak edəcək xarici media nümayəndələri Füzulidə

Şuşada keçiriləcək sayca 2-ci Qlobal Media Forumunda iştirak etmək üçün 50-yə yaxın ölkədən 150-dən çox nümayəndə heyəti təyyarə vasitəsilə Füzuli Beynəlxalq Hava Limanına eniş edib.

Şuşada “Dezinformasiyaya qarşı mübarizə və yalan məlumatların ifşası” mövzusunda keçiriləcək Qlobal Media Forumunda 82 media qurumu, 3 beynəlxalq təşkilat və 30 beynəlxalq media, informasiya agentliyinin nümayəndələri iştirak edəcəklər.

Forumda müxtəlif panel müzakirələr və sessiyalar keçiriləcək. Bu panellərdə müxtəlif mövzular müzakirə olunacaq.

Qeyd edək ki, tədbir iyulun 22-nə qədər davam edəcək.